METRO MANILA – Kinumpirma sa UNTV News ni Camalig, Albay Mayor Carlos Baldo na natagpuan na ang bangkay ng 4 na pasahero ng bumagsak na Cessna plane sa Bicol.

Ayon kay Mayor Baldo, mula rescue ay retrieval operations na ang isasagawa ng mga otoridad ngayong araw (February 23).

Una ng sinabi ng alkalde na kailangang makahanap ng drop off point ang mga rescuer upang maisakay sa chopper ang mga labi ng nasawing pasahero.

Kung hindi naman makalalapag ang chopper gagamit aniya ng air lift ang mga awtoridad

Kung hindi parin ito magagawa ay mapipilitan na ang mga rescuer na dalhin ang mga labi pababa ng Mt. Mayon.

(Bryan Baldaraje | UNTV News)