Isang driver ng padyak ang tinulungan ng UNTV News and Rescue Team sa bahagi ng Davao City kagabi.
Nagtamo ang driver na si Jess Castillo ng pamamaga sa kanang paa matapos siyang mabangga ng motorsiklo.
Matapos i-assess ang kanyang kondisyon ay agad na siyang dinala sa Southern Philippine Medical Center para isailalim sa iba pang pagsusuri.
Ligtas naman ang driver ng motorsiklo na si Tiffany Smith Pataylog na umano’y nawalan ng kontrol sa manibela kaya nabangga ang biktima habang nasa isang umpukan.
Handa naman ang driver ng motorsiklo na sagutin ang gastusin sa ospital ng biktima.
