Nirespondehan ng UNTV News and Rescue Team ang banggaan ng motosiklo at tricycle sa kahabaan ng Mc Arthur Highway sa Barangay San Juan, Balagtas, Bulacan noong Sabado ng gabi.
Kinilala ang mga biktima na si Victor Estrellana na nagtamo ng hiwa sa noo at kaliwang kilay, bukol sa ulo at posibleng bali sa kaliwang binti.
At si Gerry Rabuya, na nagtamo rin ng sugat sa iba’t ibang bahagi ng katawan.
Ayon sa nakakita sa pangyayari, nakahinto ang tricycle ng banggain ito ng motorsiklo.
Matapos lapatan ng paunang lunas si Estrella ay dinala na ito ng grupo sa Bulacan Medical Center.
Habang ang Balagtas Rescue Team naman ang nagdala kay Rebuya sa ospital.
Samantala tinulungan din ng UNTV News and Rescue ang isang nabagsakan ng kahoy sa ulo sa Roca Village, Burol First Balagtas Bulacan.
Kinilala ang biktima na si Ruel Ilagan, 37- anyos na isang construction worker.
Ayon sa kaibigan ng biktima, bumagsak ang kahoy mula sa ginagawang bahay ni Ilagan, at aksidente tumama sa kanyang ulo.
Matapos bigyan ng first aid ay tumanggi nang magpadala sa ospital ang biktima.
(Nestor Torres / UNTV Correspondent)
Tags: Banggaan ng motor at tricycle sa Bulacan, UNTV News and Rescue Team
BUTUAN, Philippines – Nakahandusay sa kalsada ang isang lalaking motorcycle rider nang datnan ng UNTV News and Rescue team sa South Montilla Boulevard, Butuan City, noong Biyernes ng gabi.
Kinilala ang rider na si Jason Fermano na taga Amayahan, Agusan del Norte.
Nagtamo ito ng sugat sa iba’t-ibang bahagi ng katawan at pananakit balikat bunsod ng pagkakabangga sa center island ng kanyang minamanehong motorsiklo.
Kwento ng mga nakasaksi sa aksidente, mabilis umano ang pagpapatakbo ni Fermano habang binabaybay ang national highway na tila nakikipaghabulan sa ibang motorista.
Nagulat nalang ang mga tao sa lugar nang salpukin nito ang center island.
Matapos lapatan ng first aid ng UNTV Rescue si Fermano ay dinala na ito sa Butuan Medical Center upang masuri ng mga doktor habang kinuha naman ng mga pulis ang motorsiklo nito para sa safe keeping.
Para sa mga mangangailangan ng tulong ng UNTV News and Rescue makipag ugnayan lamang sa numerong 911-UNTV o 911-8688.
(Raymond Octobre | UNTV News)
Tags: aksidente, motorcycle accident, rescue, UNTV News and Rescue Team
Masuwerteng gasgas lang ang tinamo ng mga magkakabarkada matapos maaksidente ang sinasakyan nilang motorsiklo sa Ayala Highway, Barangay Balintawak sa Lipa, Batangas kagabi.
Ayon sa mga biktima, galing silang Batangas City at patungo sana ng Malvar nang biglang lumabas sa isang kanto ng Ayala Highway ang isa pang motorsiklo na tinamaan nila sa likurang bahagi dahilan upang mawalan sila ng kontrol sa manibela.
Agad namang nilapatan ng UNTV News and Rescue Team ang mga gasgas sa tuhod at binti ng mga biktima na sina Romel de Asis, Juan Carlo Maldorado at Tristan Samonte na tumanggi nang magpadala sa ospital.
Samantala, nagkasundo naman ang dalawang panig na magkaayos na lang at hindi na magreklamo sa pulisya.
Isang tawag mula sa City Disaster Risk Reduction and Management Office ang natanggap ng UNTV News and Rescue Team pasado alas nuwebe kagabi.
Ito’y matapos bumangga sa nakaparadang multicab sa Bonbon Road ang minamanehong motor ni Bryan Pontemar. Nagtamo ang biktima ng matinding pagdurugo sa ulo at posibleng bali sa kanang binti.
Ayon sa ilang saksi, walang suot na helmet si Pontemar habang nagmamaneho at mabilis ang pagpapatakbo nito ng motorsiklo bago mangyari ang aksidente.
Agad nilapatan ng first aid ng UNTV News and Rescue ang biktima. Pagkatapos ay dinala ito ng grupo sa Butuan Medical Center upang masuri ng doktor.
( Raymond Octobre / UNTV Correspondent )
Tags: Butuan City, motorcycle accident, UNTV News and Rescue Team
