Bail hearing ni Janet Lim Napoles sa kasong plunder, isinagawa sa loob ng Women’s Correctional

by dennis | April 24, 2015 (Friday) | 1542
File photo

File photo

Dumalo si pork barrel scam suspect Janet Lim Napoles sa isinagawang bail hearing sa loob mismo ng Correctional Institution for Women sa Mandaluyong City kaugnay sa kasong plunder.

Si Napoles ay nasa loob ng koreksyonal alinsunod sa commitment order na ipinalabas ng Makati RTC matapos itong hatulan ng habambuhay na pagkakakulong sa kasong serious illegal detention.

Ginagawa ng Sandiganbayan ang pagdinig sa loob ng kulungan dahil inaantay pa ang desisyon ng Korte Suprema hinggil sa inihain nitong mosyon na payagan si Napoles na dumalo sa isa sa mga korte sa Quezon City.

Samantala, ipinagbabawal naman ng Sandiganbayan ang pagdadala ng mga camera, cellphone at iba pang electronic gadget sa loob ng kwarto kung saan ginagawa ang pagdinig.

Tags: , , ,