Inaasahang papalabas na ng Philippine Area of Responsibillity o PAR ang bagyong Urduja ngayong umaga o tanghali ayon sa Philippine Atmospheric Geophysical and Astronomical Services Administration o PAGASA.
Napanatili ng bagyong Urduja ang lakas nito na hanging aabot sa fourty five kilometers per hour at pagbugsong aabot sa sixty kilometers per hour.
Huli itong namataan sa 240 kilometers West Northwest ng Puerto Princesa City, Palawan. Kumikilos ang bagyo sa bilis na labing walong kilometro bawat oras sa direksyong kanluran timog-kanluran. Sa ngayon, inalis na ang storm warning signal number one sa Palawan.
Samantala, ang low pressure area naman na binabantayan ng PAGASA sa labas ng PAR ay huling namataan sa 1,395 kilometers Silangan ng Mindanao.
Tags: bagyong Urduja, PAGASA, PAR
