Bagyong Betty, maliit lang ang pinsala sa bansa – NDRRMC

by Radyo La Verdad | May 31, 2023 (Wednesday) | 2567

METRO MANILA – Walang gaanong naging epekto ang bagyong Betty sa bansa.

Ito ang sinabi ni National Disaster Risk Reduction and Management Council (NDRRMC) Spokesperson Assistant Secretary Raffy Alejandro kasabay ng pagsabi ng ‘The worst is over.’

Sa ngayon ani Alejandro ay nakalagpas na sa Batanes at palayo na ng bansa ang bagyo.

Ayon kay Alejandro, masaya ang ahensya dahil minimal lang ang pinsala ng bagyo, matapos ang ginawang puspusang paghahanda ng pamahalaan sa epekto ng bagyo.

Gayunman, sinabi ni Alejandro na maganda rin na naipatupad ng maayos ang mga protocol at procedure, at nasubukan ang komunikasyon at back-up system sa paghahanda sa bagyong Betty.

Giit nito, nagsilbing drill ang bagyong Betty para sa paparating na typhoon season na opisyal na magsisimula ngayong Hunyo.

Tags: ,

5 rehiyon sa Luzon, inilagay sa red alert ng NDRRMC dahil sa Bagyong Goring

by Radyo La Verdad | August 28, 2023 (Monday) | 6621

METRO MANILA – Inilagay na sa red alert ng National Disaster Risk Reduction and Management Council (NDRRMC) ang 5 rehiyon sa Luzon bunsod ng banta ng bagyong Goring.

Ito ay ang Cordilleras, Ilocos, Cagayan Valley, Central Luzon at Mimaropa.

Ayon kay NDRRMC Spokesperson Edgar Posadas maging ang buong ahensya ay naka red alert upang matiyak na agad silang makakaresponde sa mga lugar na mangangailangan ng tulong.

Samantala, tiniyak ni Pangulong Ferdinand Marcos Jr. na nakatutok ang pamahalaan sa sitwasyon sa mga lugar sa Northern Luzon na nakararans ng malakas na ulan.

Nakahanda na rin aniya ang mga food pack na ipamamahagi sa mga apektadong residente.

Tags:

Pinsala ni Egay sa agrikultura at imprastraktura, lalo pang tumaas

by Radyo La Verdad | August 1, 2023 (Tuesday) | 8379

METRO MANILA – Lalo pang tumaas ang pinsala sa agrikultura at imprastraktura ng bagyong Egay.

Batay sa datos ng National Disaster Risk Reduction and Management Council (NDRRMC), umabot na sa P1.9-B ang halaga ng pinsala ng bagyo sa mga pananim.

Umaabot naman sa 114, 565 ang mga magsasaka at mangingisda ang naapektuhan ng bagyo.

Samantala, P3.5-B naman ang inisyal na pinsala ng bagyo sa imprastraktura.

Karamihan ng mga sinira ng bagyo ay mga daan, tulay, flood control, government facilities, mga paaralan, utility services facilities at iba pa.

Sa ngayon ay tuloy ang pagbibigay ayuda ng pamahalaan sa ating mga kababayan na naapektuhan ng bagyo.

Tags: ,

Mga nasawi dahil sa bagyong Egay at habagat, umabot na sa 16 – NDRRMC

by Radyo La Verdad | July 31, 2023 (Monday) | 9707

METRO MANILA – Umabot na sa 16 ang mga nasawi dahil sa bagyong Egay at southwest monsoon o habagat.

Batay ito sa latest report ng National Disaster Risk Reduction and Management Council (NDRRMC) as of July 30.

1 sa mga nasawi ang kumpirmado, habang bineberipika pa ang 15.

52 naman ang mga napaulat na nasaktan at 20 ang nawawala.

Samantala, umabot na sa mahigit P1.5-B ang pinsala nito sa agrikultura.

Habang halos P10-M sa imprastraktura.

Nasa P64-M naman ang naibigay nang tulong sa mga naa-pektuhan ng bagyo.

Tags: ,

More News