METRO MANILA – Inilunsad n Department of Tourism (DOT) ang bagong slogan para sa promosyon ng turismo sa bansa na “Love the Philippines”.
Kasabay ito ng pagdiriwang ng ika-50 anibersaryo ng DOT kahapon (June 27).
Ayon kay Tourism Secretary Cristina Frasco ang nasabing slogan ay nangangahulugan ng maraming mga magagandang tanawin sa bansa na dapat ay mahalin.
Umaasa ang kalihim na mas lalong lalago pa ang sektor ng turismo sa bansa dahil sa panibaong slogan.
Tags: DOT, Love the Philippines, slogan
METRO MANILA – Tinapos na ng Department of Tourism (DOT) ang kontrata nito sa DDB Philippines, ang advertising agency na gumawa ng “Love the Philippines” tourism campaign video, na naging kontrobesiyal, matapos gumamit ng stock footage ng ibang mga bansa.
Sa isang pahayag sinabi ng kagawaran, na bagaman humingi na ng public apology ang DDB at inako ang buong responsibilidad sa pangyayari, itutuloy pa rin ng ahensya ang termination proceedings sa kanilang kontrata sa nasabing agency.
Posibleng gumawa rin sila ng iba pang mga hakbang sakaling magdulot ng masamang epekto sa turismo ng bansa ang isyu.
Nauna nang humingi ng paumanhin ang DDB Philippines matapos nitong aminin na may stock videos sa bagong Love the Philippines campaign video ng DOT na inilunsad lamang noong nakaraang Linggo.
Tags: DDB PHilippines, DOT
METRO MANILA – Humingi ng paumanhin ang advertising agency na DDB Philippines sa Department of Tourism at sa mga Pilipino sa ginawa nilang “Love the Philippines” campaign video para sa kagawaran.
Sa isang pahayag inamin ng ad agency na gumamit sila ng stock footage ng ibang bansa sa paggawa ng naturang video.
Bagaman standard practice anila ito sa paggawa ng anila’y ‘mood videos’, pag-amin ng DDB Philippines, hindi tama ang pag-gamit ng video ng ibang bansa para sa pagpo-promote ng turismo ng Pilipinas.
Iginiit din ng ahensiya na walang public funds na nagamit sa paggawa ng naturang video.
Ayon naman sa DOT nagsasagawa na sila ng masusing imbestigasyon sa isyu.
Giit ng DOT, ilang beses nilang kinumpirma sa DDB ang originality at ownership ng lahat ng mga ginamit na video materials sa audio visual presentaion.
Kinumpirma nitong walang public funds na ginamit sa paggawa ng avp, gayunman papanagutin pa rin ng ahensya ang ad company.
Tags: AVP, DDB PHilippines, DOT
METRO MANILA – Inihayag ni Pangulong Ferdinand Marcos Junior na kabilang sa kampanya ngayon ng Department of Tourism (DOT) ang pagpo-promote sa regional products at pagtatayo ng mga imprastraktura para sa mas maayos at mabilis na pagbibiyahe ng mga turista.
Sa isang panayam, sinabi ni Tourism Secretary Christina Frasco na para maging mas maganda ang travel experience ng mga bakasyunista o turista, kailangang i-rehabilitate ang mga paliparan ng bansa.
Nakikipag-ugnayan na aniya sila sa Department of Transportation (DOTr) upang makapagbigay ng rekomendasyon kung papaano isasaayos ang interior at operasyon ng airport.
Ang DOTr aniya ang pangunahing may hurisdiksyon sa mga airport at magbibigay lamang ang tourism department ng suhestiyon kung papaano pa mapagaganda ang pasilidad.
