Nirespondehan ng UNTV News and Rescue Team kagabi ang isang lalakeng Australian national.

Nagpunta ang foreign national kasama ang kaniyang kapatid sa Angeles City Police Station 4 matapos bugbugin ng grupo ng mga lalake sa Brgy. Balibago Angeles, Pampanga pasado alas 2 ng madaling araw.

Kinilala ang biktima na si Frankie Jordan Britt, 22 years old na nakatira sa Galleon hotel Angeles City Pampanga.

Nagtamo ito ng sugat ulo, kanang, at kaliwang kamay na kaagad namang nilapatan ng paunang lunas ng UNTV News and Rescue Team.

Ayon sa kapatid ng biktima binastos sila ng tatlong lalake at ipinagtanggol sila ng grupo ng biktima at pagkatapos nito ay pinagbubugbog na sila ng grupo

Ninakawan din sila ng grupong ito ng cellphone at relo.

Tumanggi na ang biktima na magpadala sa ospital.

(Leslie Huidem / UNTV Radio Reporter)

Tags: Angeles City Pampanga, Australian national, UNTV News and Rescue Team