Bukod sa pagiging mahusay na singer, kilala si Anggun Cipta-Sasmi sa masusing pagkilatis sa angking galing ng mga Asyano bilang isa sa mga hurado ng Asia’s Got Talent.
Sa kaniyang pagbabalik Pilipinas, ang kaniyang talento naman ang ibinahagi ng Indonesian Superstar sa kaniyang Filipino fans. Sakay ng WISH 107-5 bus, inawit ni Anggun ang ilan sa mga single sa kanyang bagong album na ‘8’.
Aminado naman si Anggun na muli siyang napabilib ng talentong Pinoy dahil sa konsepto ng Wish 107-5 bus, ang nag-iisang Fm radio on wheels sa bansa.
Si Anggun ay isang kilalang singer-songwriter mula sa Indonesia. Ang kaniyang awit na ‘Snow on the Sahara’ ay isa lamang sa kaniyang mga single na naging worldwide hit noong 1990s.
Bumisita sa Pilipinas si Anggun para sa promotion ng kaniyang bagong album.
( Leslie Longboen / UNTV Correspondent )
