Ginawaran ng military parade ng mga tauhan ng Armed Forces of the Philippines si outgoing AFP Commander-in-Chief at President Benigno Aquino the third sa huling pagkakataon.

Ayon sa AFP, malaki ang nagawa ng administrasyong Aquino upang paigtingin ang kapasidad, kakayahan at pataasin ang antas ng kredibilidad ng hukbong sandatahan kumpara sa mga nakalipas na administrasyon.

Samantala, pinangunahan naman ni Pangulong Aquino ang pagkilala sa mga tauhan ng militar na nagpamalas ng kagitingan at angking galing sa pagganap ng kanilang mga tungkulin.

Pinaalalahan din nito ang hukbong sandatahan na manatiling kaisa at katuwang ng sambayanan sa pagpapanatili ng kalayaan at kapayapaan sa bansa.

(Rosalie Coz/UNTV Radio)

Tags: military parade, outgoing AFP Commander-in-Chief at President Benigno Aquino the third