Sinagot na ng apat na pulis-Caloocan ang reklamong murder kaugnay sa pagpatay sa 17-anyos na si Kian Loyd delos Santos.

Sa kanilang counter-affidavit na isinumite sa DOJ, sinabi nina PO1 Jeremias Pereda, PO1 Jerwin Cruz at PO3 Arnel Oares na lehitimo ang operasyon at nanlaban ang teenager kaya ito napatay.

Walang testigo na nagsabwatan sila upang patayin si delos Santos at hindi rin sila inutusan ni Police Chief Inspector Amor Cerillo na patayin ang binatilyo.

Binaggit rin ng mga pulis na tatlong menor de edad ang nahuli nila sa drug operation noong August 16 pero ligtas ang mga ito dahil hindi nanlaban ng kanilang dakpin.

Binigyan ng hanggang sa susunod na Lunes ang pamilya ni Kian at ang Public Attorney’s Office upang sagutin ang kontra-salaysay ng mga pulis.

Tags: Kian, Kian Loyd delos Santos, pulis-Caloocan