Lalong lalakas ang kampanya ng Philippine National Police laban sa ilegal na droga sa tulong ng mas malaking pabuya na ibibigay ni incoming President Rodrigo Duterte.
Ayon kay PNP Chief PDG Ricardo Marquez, dati na silang nagbibigay ng reward sa mga informant ngunit inaasahan nilang dadami ang lalakas ang loob na magsumbong dahil sa pabuya.
Nakikita rin ni Marquez na lalo pang lalakas ang kampanya sa droga kung may koordinasyon ng komunidad.
Gaya aniya ng ginagawa nila na pakikipagugnayan sa komunidad na syang dahilan kaya’t nakakahuli sila ng mga sangkot sa operasyon ng ilegal na droga.
Ipinagmalaki rin ni Marquez na marami na rin silang na-neutralize na drug syndicates sa tulong ng iba’t-ibang indibidwal.
(Lea Ylagan / UNTV Correspondent)
