Ipinag-utos ni Pangulong Benigno Aquino III sa Armed Forces of the Philippines at Philippine National Police ang pagpapaigting sa operasyon laban sa bandidong grupong Abu Sayyaf.

Ayon kay AFP Spokesman Col. Restituto Padilla ibinigay ng pangulo ang direktiba matapos ang ginawang pagpaslang ng A-S-G sa bihag nitong Malaysian national na si Bernard Then.

Tinawag na savage and barbaric act ng Malaysian Prime Minister ang ginawa ng Abu Sayyaf na pagpatay sa biktima.

Matatandaang una nang nanawagan si Malaysian Prime Minister Najib Razak sa mga otoridad na gumawa ng aksyon upang papanagutin ang mga suspek at mabigyan ng hustisya ang pagkakapatay sa biktima.

Tags: Abu Sayyaf, AFP Spokesman Col. Restituto Padilla, Malaysian Prime Minister Najib Razak