Bumuwelta si Alliance of Concerned Transport Operators (ACTO) President Efren de Luna sa pahayag ni LTFRB Chair Winston Ginez na hindi na magbibigay ng one year moratorium sa mga school service na papasok sa 15 years phase out.

Ayon kay de Luna, hindi patas si Ginez dahil binigyan ng LTFRB ng one year moratorium ang mga truck na pasok na sa 15 year phase out samantalang ang mga school service ay hindi.

Pinagpapaliwanag din ni de Luna si Ginez kung bakit hindi nito pagbibigyan ang kahilingan ng Kongreso na magbigay ng one year moratorium para sa mga school operator na makabili ng bagong school service.

Dagdag pa ni de Luna, anti poor at anti transportation si Ginez dahil anya, malalaking operator lang ang kanyang kinokontrata para punan ang kakulangan ng school service sa darating na pasukan.(Macky Libradilla/UNTV Radio)