Muling nakakita ang pitumpung taong gulang na lola na si Mary Ann Franco makalipas ang dalawampu’t isang taon pagkabulag.

Tuluyang nawalan ng kakayahang makakita si Franco dalawang dekada na ang nakakaraan matapos itong magtamo ng spinal injury dahil sa car accident.

Ilang buwan na nakaraan kailangan sumailalim sa operasyon si Mary Ann upang mabawasan ang sakit na nararamdaman nito sa likod matapos itong mahulog sa hagdan ng kanilang bahay sa South Florida.

Subalit tila may himalang nangyari dahil pagkatapos ng operasyon bukod sa nawala ang sakit nito sa likod bumalik muli ang kanyang kakayahang makakita.

Naniniwala ang mga doktor na dahil sa aksidente na kinasangkutan nito 20 taon na ang nakalipas ay bahagyan nasarhan ang malaking ugat sa spine nito na nagresulta ng kanyang pagkabulag.

(UNTV RADIO)

Tags: Mary Ann Franco