7 sa bawat 10 Pilipino, tutol sa panukalang ibalik ang death penalty

by Radyo La Verdad | October 10, 2018 (Wednesday) | 10147

Iprinisinta kanina ng Commision on Human Rights (CHR) ang resulta ng isinagawang survey ng Social Weather Station (SWS) hinggil sa pananaw ng mga Pilipino ukol sa death penalty. Ito ay kaalinsabay ng paggunita sa 16th World Day Against Death Penalty.

Lumabas sa survey na pito sa bawat sampung Pilipino ang tutol sa panukalang muling buhayin ang death penalty sa bansa, habang isa sa bawat sampung Pilipino naman ang naniniwalang makatutulong ang death penalty upang maresolba ang problema ng iligal na droga sa Pilipinas.

Nakita rin sa survey na ang mga pulitiko ang personalidad na pinaka hindi rumerespeto sa usapin ng karapatang pantao.

Isinagawa ang survey sa dalawang libong respondent na may edad labing lima pataas noong ika-22 hanggang ika-27 ng Marso.

Ayon kay CHR Commissioner Karen Gomez Dupit, plano nilang isumite ang resulta ng survey sa Kongreso upang igiit sa mga mambabatas ang mariing pagtutol ng maraming Pilipino sa pagbuhay sa death penalty.

Bukod sa SWS survey, ipinunto rin ng CHR na marami pang ibang pag-aaral ang maaring magpatunay na hindi solusyon  ang death penalty sa mga nangyayaring krimen sa bansa. Kaisa rin sa mga tumututol sa panukalang death penalty si senator Leila De Lima.

Sa pahayag na inilabas ng senadora, iginiit nito ang importansya ng karapatang mabuhay ng sinoman kaya’t hindi aniya makatwiran ang pagpapairal ng parusang kamatayan.

Idinepensa rin ng mambabatas na ang maayos at patas na justice system ang paraan upang mapigilan ang anomang kriminalidad.

Taong 2006 nang ipawalang-bisa ang pagpapatupad ng death penalty sa bansa sa ilalim ng panunungkulan ni dating pangulo at ngayo’y House Speaker Gloria Macapagal-Arroyo.

Una nang sinabi ni Pangulong Rodrigo Duterte na nais nyang muling pairalin ang death penalty sa bansa, sa hangaring masawata ang kriminalidad at problema sa iligal na droga.

Sa ngayon, aprubado na sa mababang kapulungan ng Kongreso ang panukalang ibalik ang death penalty, subalit wala pa ring bersyon ang Senado para dito.

 

( Joan Nano / UNTV Correspondent )

Tags: , ,

Maraming Pilipino, nawalan ng tiwala sa China ng bunsod ng WPS issues – Survey

by Radyo La Verdad | June 13, 2024 (Thursday) | 56271

METRO MANILA – Nawalan na ng tiwala sa China ang maraming Pilipino bunsod ng nangyayaring tensyon sa West Philipine Sea (WPS).

Batay sa survey na isinagawa ng Octa Research Group, nasa mahigit 1,000 Pilipino edad 18 taong gulang pataas o 91% ang wala na umanong tiwala sa China.

Ayon pa sa research group, patuloy ang pagbaba ng trust rating ng mga Pilipino sa China simula pa noong Pebrero 2022.

Kasunod ito ng inilabas na resulta ng Octa Research Survey sa unang quarter ng taon.

Para sa ilang political analyst, inaasahan na ito bunsod ng mga isyu sa pagitan ng China at Pilipinas partikular na ang mga panggigipit ng Chinese forces sa mga Pilipino sa West Philippine Sea.

Tags: , ,

75% Filipinos, di nasiyahan sa pagtugon ng gov’t sa kahirapan at pagtaas ng presyo ng mga bilihin  – Octa Survey

by Radyo La Verdad | February 19, 2024 (Monday) | 28687

METRO MANILA – Maraming Pilipino ang dissatisfied o hindi nasiyahan sa mga hakbang ng pamahalaan upang ibsan ang kahirapan sa bansa at tugunan ang mataas na presyo ng mga bilihin at serbisyo.

Ayon ito sa tugon ng masa survey ng Octa Research Group kung saan 100 at 200 kababayan ang tinanong.

75% sa ating mga kababayan, ang dissatisfied sa pagkontrol sa presyo ng mga bilihin. 46% naman ang dismayado sa pagtugon sa kahirapan sa bansa.

Mataas din ang dissatisfaction rating sa usapin ng pagkakaroon ng abot-kayang halaga ng pagkain, paglikha ng mga trabaho, at paglaban sa katiwalian.

Samantala, mayorya naman ng mga kababayan, satisfied o nasisiyahan sa performance ng pamahalaan sa ilang programa. Katumbas ito ng 8 sa bawat 10 Pilipino.

Partikular na sa pagtatayo ng pampublikong imprastraktura, at pagtugon sa mga kalamidad.

Gayundin sa pagsusulong sa kapakanan ng Overseas Filipino Workers, pagkakaloob ng Healthcare at maging ang kalidad ng edukasyon.

Tags: ,

Mga Pilipinong walang trabaho bumaba sa 7.9-M noong Setyembre – SWS

by Radyo La Verdad | December 22, 2023 (Friday) | 41811

METRO MANILA – Bumaba sa 7.9 Million ang bilang ng mga Pilipinong walang trabaho ayon sa pinaka huling survey ng Social Weather Stations (SWS).

Lumabas sa resulta ng  survey na isinagawa noong September 28 hanggang October 1, na bumaba sa 16.9% ang adult joblessness, 5.8% ito na mas mababa kaysa sa 22.8% noong June 2023 o humigit-kumulang 10.3 Million adults.

Ang mga walang trabaho ay binubuo ng mga boluntaryong umalis sa trabaho, naghahanap ng trabaho sa unang pagkakataon, nawalan ng trabaho dahil sa economic circumstances o natanggal sa trabaho.

Tags: , ,

More News