Aabot sa anim na pung libong miyembro ng security forces ang itatalaga para magbantay sa darating na 31st Association of Southeast Asian Nations o ASEAN Summit ngayong buwan.
Sa Linggo isasagawa ang Send-off Ceremony sa pangunguna ng Committee on Security, Peace and Order, Emergency Preparedness and Response.
Idedeploy ang mga ito sa mga strategic areas sa Metro Manila at Pampanga. Kabilang na rito ang mga paliparan, ang rutang dadaanan, ang tutuluyan ng mga delegado at ang venue ng mga pagpupulong.
