Patuloy ang internal cleansing ng Philippine National Police sa ilalim ng Duterte Administration.
Kahapon ay nakatanggap ng order mula sa Camp Crame ang Police Regional Office-7 sa pag-relieve sa limamput-limang personnel mula sa rehiyon.
Walo rito ay mga opisyal at ang apatnaput-tatlo naman ay mga non-commission officer.
Ilan sa mga ito ay mayroong derogatory police records at posible ring may kinalaman sa iligal na droga.
Ayon kay PRO-7 Director Chief Superintendent Noli Taliño, karamihan sa ni-relieve ay ilalagay sa ARMM at Cordillera.
Tumanggi ng pangalanan ni Taliño ang mga narelieve na pulis.
Samantala sa isinagawang command conference kahapon kaalinsabay na ika-115th anibersaryo ng PNP.
Muling giniit ni Taliño ang target ng ahensya sa pagsugpo sa iligal na droga sa bansa.
(Gladys Toabi / UNTV Correspondent)
