Mahigit 50 na smmugled na sigarilyo ang nasabat ng Maritime Police sa baybayin ng Zamboanga City nitong Miyerkules (Nov.18).
Pasado alas-10 ng gabi ng masundan ng mga otoridad ang isang bangka sa bahagi ng mangrove area ng Brgy Talon-Talon.
Agad namang inaresto ang anim na crew nang walang maipakitang karampatang papeles.
Sa ngayon, nasa kostodiya na ng Bureau Custom ang mga kontrabando habang inihahanda ang kaso laban sa mga suspek.
Nitong Lunes (Nov. 16), 300 sako naman ng smuggled na sigarilyo ang nasabat ng maritime police sa lungsod. At aabot naman sa siyam na milyong piso ang nakumpiska sa karagatang ng basilan.
At halos 40 cases naman ang nasabat ng Philippine Coast Guard sa karagatang sakop ng Sulu nitong Martes (Nov. 17).
Pinaniniwalaan ng mga otoridad na galing Indonesia at Malaysia ang mga kontrabado at dinadala sa ibat-ibang lugar sa Mindanao. Madali kasi itong ibenta kumpara sa mga locally-produced na sigarilyo.
(Mariane Joyce Marco | La Verdad Correspondent)
Tags: smuggled cigarettes
METRO MANILA – Sinira ng Bureau of Customs (BOC) sa Zamboanga port ang mahigit kumulang P183-M halaga ng mga smuggled na sigarilyo nitong Lunes Disyembre 7.
Nasamsam ng mga otoridad ang mahigit 5, 200 na kaha ng mga sigarilyo sa magkakahiwalay na anti-smuggling operations mula pa noong Setyembre 2020. Alinsunod ito sa mandato ng kawanihan na mapigilan ang pagpasok ng mga ilegal na kalakal sa bansa.
Gamit ang payloader machine, dinurog ang mga de kalidad na sigarilyo sa labas ng bakuran ng isang bodega sa Brgy. Baliwasan, Zamboanga City. Pagkatapos ay binasa ito ng mga bumbero at itinapon sa isang sanitary landfill sa Brgy. Salaan.
Sa huling datos ng BOC, nasa P2.2 –B halaga na ng mga ipinagbabawal na bilihin ang nasamsam mula Enero hanggang Nobyembre ng taong ito.
Pinasalamatan naman ni District Collector Segundo Sigmundfreud Z. Barte Jr. Ang ibat ibang sangay ng pamahalaan na sumusuporta sa kanilang kampanya na alisin ang mantsa ng Mindanao bilang backdoor ng pagpupuslit sa bansa.
Ang seremonya ng pagwasak ay nasaksihan ng iba’t ibang sangay ng pamahalaan kasama na ang mga kinatawan mula sa Commission on Audit, Department of Health, at mga stakeholder.
(Beth Pilares | La Verdad Correspondent)
Tags: BOC, smuggled cigarettes
Aabot sa P60-M na halaga ng smuggled cigarettes ang naharang ng Bureau of Customs (BOC), at Manila International Container Port (MICP) sa tulong ng Customs Intelligence and Investigation Service (CIIS) at ng Xray Inspection Unit (XIP) kahapon (Nov. 3).
Sa mahigpit na kampanya ng ahensya laban sa mga ilegal na pagaangkat, napag alamang ang mga kontrabandong ito ay galing China na nakapangalan sa Ocean World Enterprises.
Idineklara ang mga kontrabando bilang various items kabilang ang mga bag, furniture, at carton pero nang busisiing maigi ng mga tauhan ng customs ay naglalaman pala ng 500 cases at 1,198 boxes ng mga smuggled cigarette.
Sa ngayon ay mayroon pang 11 shipment ang inimbestigahan ng BOC na pinaghihinalaang naglalaman ng ilegal na mga produkto.
Samantala, sasampahan naman ng violation sa section 1400 in relation to section 1113 ng Republic Act (RA) No. 10863 o ang Customs Modernization and Traffic Act (CMTA), paglabag sa guidelines and regulations ng Bureau of Internal Reveue (BIR), at sa National Tobacco Authority (NTA) Memorandum.
Sasailalim din sa imbestigasyon ang ilan pa sa mga kargamento ng nasabing kompanya upang matiyak kung may mga paglabag din ito sa mga rules and regulations ng Customs.
Pinaaalala ng MICP na mahigpit na pinagbabawal ang pagpupuslit ng mga items gaya ng tobacco at ilan pang maituturing na regulated goods. Sinomang mahuling lumabag dito ay papatawan ng kaukulang parusa.
Ayon sa BOC, mananatiling matatag ang ahensya sa kampanya nito na malabanan at masugpo ang mga smugglers sa bansa sa pangunguna ni BOC Commisioner Rey Leonardo B. Guerrero.
(Syrixpaul Remanes | La Verdad Correspondent)
Tags: BOC, smuggled cigarettes
