Lima na ang naitalang nasawi dahil sa epekto ng umiiral na habagat sa bansa.

Ayon sa pinakahuling ulat ng National Disaster Risk Reduction and Management Council o NDRRMC, kabilang sa mga nasawi sina Danilo Brasileño na nadala ng malakas na daloy ng tubig habang tumatawid sa Malbug River sa Iloilo, Mary Hope Beriña at Argilyn Joyce Gonzales na nabagsakan naman ng gumuhong pader sa Sta. Cruz, Manila at dalawang di pa nakikilalang biktima.

Tatlo naman ang naitalang sugatan habang isa ang naiulat na nawawala.

Nasa pitong libong pamilya naman o mahigit tatlumpu’t anim na indibidwal ang nananatili sa mga evacuation center dahil sa mga pagbaha sa Region III, VI, CALABARZON at National Capital Region.

(UNTV RADIO)

Tags: habagat