Ililibing na ang 49 na labi ng mga namatay sa nasunog na pabrika ng tsinelas sa Arkong Bato cemetery dito sa Valenzuela City ngayong hapon.

Kasunod ito ng 21 bangkay na nailibing na kagabi sa parehas na sementeryo.

Sa kasalukuyan ay nananatiling 72 ang bilang ng mga narekober na bangkay sa lugar ng insidente.

Samantala wala pang ibinibigay ang otoridad na eksaktong bilang ng mga bangkay na na-identify.

Matatandaang tinupok ng apoy ang pabrika ng Kentex Manufacturing Corporation matapos matapunan ng spark mula sa welding ang resin na ginagamit sa paggawa ng tsinelas.(Macky Libradilla/UNTV Radio)