Tinulungan ng UNTV News and Rescue Team Baguio ang apat na taong gulang na batang lalaki na nagkukumbulsyon dahil sa mataas na lagnat.
Pasado alas dos ng madaling araw habang nagro-roving ang UNTV News and Rescue Team sa kilometer five La Trinidad Benguet ng parahin ng mag asawang Alice at Serafin Kilasan at ipinakiusap na ihatid sa ospital ang kanilang anak na nilalagnat
Agad namang isinakay ng UNTV News and Rescue Team ang bata at mga magulang nito at saka inihatid sa pinakamalapit na ospital.
Ayon sa mag asawa mag iisang oras na silang naghihintay sa kalsada upang madala sa ospital ang kanilang anak ngunit walang dumadaang pampasaherong sasakyan
Sa ngayon kasalukuyang naka confine at nagpapagaling sa Pines Hospital sa Baguio City ang bata na kinilalang si Kenny .
