Kinumpirma ng tagapagsalita ng Philippine Army na Colonel Benjamin Hao na tatlong sundalo ang nasawi habang dalawang iba pa ang sugatan matapos maka-engwentro ang mga rebelde sa Sitio Carbon, Brgy San Isidro Toboso Negros Occidental noong Sabado.
Ayon sa inisyal na impormasyong kanilang natanggap, nagpapatrolya umano ang mga sundalo sa lugar ng mangyari ang engkwentro.
Tumagal ang palitan ng putok sa pagitan ng dalawang panig ng nasa labinlimang minuto bago tumakas ang mga rebelde.
Hindi pa inilabas ng Philippine Army ang pangalan ng mga nasawi at sugatang sundalo hangga’t hindi pa naipapaalam sa kanilang mga kaanak ang nangyari.
(UNTV NEWS)
