Nirespondehan ng UNTV News and Rescue Team katuwang ang Cebu City Emergency Medical Services ang tatlong sugatan sa motorcycle accident sa Katipunan, Labangon, Cebu City pasado alas onse linggo ng gabi.
Nakatagilid habang nakahiga pa sa kalsada ang angkas ng motorsiklo na si Sharmy Echivary nang datnan ng UNTV News and Rescue Team.
Idinadaing nito ang pananakit ng tagiliran at kanang hita.
Nagtamo rin si Echivary ng gasgas sa iba’t ibang bahagi ng katawan na kaagad namang binigyan ng pang unang lunas ng UNTV News and Rescue Team at saka inihatid sa Vicente Sotto Memorial Medical Center.
Samantalang ang Cebu City Emergency Medical Services naman ang nagbigay ng first aid at naghatid sa ospital sa driver ng motorsiklo at ang nabanga nitong pedestrian.
Ayon sa mga nakasaksi, patawid sa kalsada ang isa sa pedestrian ng mabangga ito ng motorsiklo na sinasakyan ng dalawang biktima.
(UNTV News Cebu)
Tags: Cebu City Emergency Medical Services, motorcycle accident, UNTV News and Rescue Team
BUTUAN, Philippines – Nakahandusay sa kalsada ang isang lalaking motorcycle rider nang datnan ng UNTV News and Rescue team sa South Montilla Boulevard, Butuan City, noong Biyernes ng gabi.
Kinilala ang rider na si Jason Fermano na taga Amayahan, Agusan del Norte.
Nagtamo ito ng sugat sa iba’t-ibang bahagi ng katawan at pananakit balikat bunsod ng pagkakabangga sa center island ng kanyang minamanehong motorsiklo.
Kwento ng mga nakasaksi sa aksidente, mabilis umano ang pagpapatakbo ni Fermano habang binabaybay ang national highway na tila nakikipaghabulan sa ibang motorista.
Nagulat nalang ang mga tao sa lugar nang salpukin nito ang center island.
Matapos lapatan ng first aid ng UNTV Rescue si Fermano ay dinala na ito sa Butuan Medical Center upang masuri ng mga doktor habang kinuha naman ng mga pulis ang motorsiklo nito para sa safe keeping.
Para sa mga mangangailangan ng tulong ng UNTV News and Rescue makipag ugnayan lamang sa numerong 911-UNTV o 911-8688.
(Raymond Octobre | UNTV News)
Tags: aksidente, motorcycle accident, rescue, UNTV News and Rescue Team
Dalawang motorsiklo ang nagkabanggaan sa bahagi ng Tandang Sora, Quezon City pasado ala una kwarenta y singko ng madaling araw noong Sabado.
Kwento ng isa sa mga nakasaksi sa insidente, nag-overtake ang motorsiklo na minamaneho ni Jeffrey Paredes sa sinusundan nitong sasakyan. Dito na siya bumangga sa kasalubong na motorsiklo rin.
Sugatan sa insidente si Jeffrey na nagtamo ng mga sugat sa iba’t-ibang bahagi ng katawan at ulo, habang ang angkas naman nitong si Grace Cabastian ay nagtamo ng bukol sa ulo at sugat sa braso at mga tuhod.
Ngunit ang driver ng kabanggaan ng mga ito na motorsiklo, tumakas matapos ang insidente.
Agad na nilapatan ng paunang lunas ng UNTV News and Rescue Team ang mga biktima at pagkatapos ay dinala na ang mga ito sa East Avenue Medical Center.
Ayon sa ina ni Jeffrey na dumating sa ospital, matapos ipagbigay-alam ng UNTV News and Rescue ang nangyari, galing sa lamay ang kaniyang anak at sinundo lamang ang kaniyang kasintahan na si Grace.
Kwento nito, walang headlight ang motorsiklo na kanyang kasalubong kaya hindi nya ito natapansin.
( Gerry Galicia / UNTV Correspondent )
Tags: motorcycle accident, Quezon City, UNTV NEWS AND RESCUE
Masuwerteng gasgas lang ang tinamo ng mga magkakabarkada matapos maaksidente ang sinasakyan nilang motorsiklo sa Ayala Highway, Barangay Balintawak sa Lipa, Batangas kagabi.
Ayon sa mga biktima, galing silang Batangas City at patungo sana ng Malvar nang biglang lumabas sa isang kanto ng Ayala Highway ang isa pang motorsiklo na tinamaan nila sa likurang bahagi dahilan upang mawalan sila ng kontrol sa manibela.
Agad namang nilapatan ng UNTV News and Rescue Team ang mga gasgas sa tuhod at binti ng mga biktima na sina Romel de Asis, Juan Carlo Maldorado at Tristan Samonte na tumanggi nang magpadala sa ospital.
Samantala, nagkasundo naman ang dalawang panig na magkaayos na lang at hindi na magreklamo sa pulisya.
