Tatlo ang sugatan sa banggan ng apat na sasakyan sa Mindanao Avenue sa Quezon City pasado ala-una ng madaling araw ng biyernes.

Sangkot sa banggaan ang isang pick-up, kotse, 10 wheeler truck at isang towing truck

Kinilala ang mga nasugatan na si Gloricel Erika Virata na nagtamo ng sugat sa ulo at Jeremy Avenar si nagtamo ng mga galos sa ibat ibang bahagi ng katawan na kapwa sakay ng kotse

Bugbog at gasgas sa katawan ang driver ng tow truck na si Ericson Parale

Sa inisyal na imbestigasyon ng QCPD Traffic Sector 6 mabilis ang takbo ng 10 wheeled truck nang banggain nito ang pick up at puting honda civic, nakaladkad pa nito ang kotse ng ilang metro patungo naman sa dumadaan na towing truck

Sa lakas ng impact yuping yupi ang kotse at tumagilid ang towing truck

Nakaligtas ang mga sakay ng towing truck na mabilis na tumalon bago mabangga ang kanilang sasakyan

Depensa naman ng driver ng 10-wheeler truck nawalan umano ito ng preno kayat nabangga ang mga sasakyan

Humingi naman siya ng dispensa at handa naman niyang sagutin ang gastusin ang pagpapahospital sa mga nasugatan

Nakakulong na sa Traffic Sector 6 ang driver ng truck. ( Reynante Ponte / UNTV Radio )

Tags: QCPD Traffic Sector 6