Dalawamput anim ang nasawi at mahigit pitumpu ang nasugatan sa pag-atake ng isang suicide bomber sa isang park sa Iskandariya, Iraq.

Makikita sa cellphone video ng isang nanonood ng amateur soccer game ang lakas ng pagsabog.

Inako ng Islamic State Militants sa pamamagitan ng isang news agency ang pag-atake.

Kamakailan lamang ay aabot sa anim na pu ang nasawi ng pasabugin ng ISIS ang isang fuel tanker sa isang checkpoint sa Hilla.

Ang mga pag-atake ay kasunod ng ginagawang pagkubkob ng government forces sa mga teritoryo ng Islamic State sa Iraq.

(UNTV NEWS)

Tags: Iraq, Iskandariya