Patay ang lahat ng 26 na pasahero ng isang tour bus ng masunog ito habang patungo sa Taoyuan airport.
24 sa mga pasahero ay Chinese national habang ang dalawa pa ay mga local tour guide.
Ayon sa mga firefighter, nagkaroon ng sunog sa unahang bahagi ng bus kung kaya’t nagtipon sa likurang bahagi ang mga pasahero.
Sinubukan pang ihinto ng driver ang bus subalit mabilis itong sumiklab at na-trap na ang mga pasahero sa loob.
Pauwi na sa Mainland China ang mga turista mula sa kanilang walong araw na bakasyon nang mangyari ang insidente.
Patuloy sa pagiimbestiga ang mga otoridad na sanhi ng trahedya.
