Muling naglabas ang Abu Sayyaf Group ng video kung saan makikita ang tatlo pa nilang bihag na napapalibutan ng mga miyembro ng bandidong grupo.

Hawak pa rin ngayon ng Abu Sayyaf ang Canadian na si Robert Hall, ang Norwegian Kjartan Sekkingstad at ang Pinay na si Marites Flor.

Dinukot ang mga biktima ng mga armadong kalalakihan sa isang resort sa Island Garden City of Samal noong Setyembre ng nakaraang taon.

Sa video makikitang, humihiling ang isa mga bihag na si Robert Hall na ibigay ang demand na ransom ng kani-kanilang gobyerno kapalit ng kanilang paglaya.

Nauna ng pinugutan ng ulo ng Abu Sayyaf Group ang Canadian national na si John Ridsdel noong nakaraang linggo matapos hindi maibigay ng pamahalaan ang kanilang hinihinging ransom money.

(UNTV RADIO)

Tags: Abu Sayyaf