File Photo

Kinumpirma ng Sulu Police na pinalaya na kahapon ang sampung mga Indonesian na bihag ng bandidong grupong Abu Sayyaf.

Ayon kay Sulu Police Chief Supt. Wilfredo Cayat, ibinababa umano ng mga hindi kilalang mga tao ang 10 Indonesians sa harap ng bahay ni Sulu Governor Abdusakur Tan.

Kaagad na dinala sa loob ng bahay ni Tan ang mga pinalayang bihag at saka ito iturn-over sa kustodiya ng pulisya.

Wala namang binanggit si Cayat kung ibinigay ang ransom na hinihingi ng bandidong grupo para sa paglaya ng mga dayuhan.

(UNTV RADIO)

Tags: 10 Indonesian, Abu Sayyaf