Sumiklab ang malaking sunog sa isang residential tower sa United Arab Emirates.
Sa video mula sa UNTV Sharjah makikita ang mabilis na pagkalat ng apoy sa isang bahagi ng tower.
Sa video naman na ipinost sa twitter ng Ajman Police makikita ang mga naglalaglagan ng debris mula sa nasusunog na gusali.
Nangyari ang sunog sa Tower One ng Ajman Emirate, North Dubai kung saan nakatayo ang tatlong libong apartments.
Agad naman nailikas ang mga residente ng tower ngunit may ilan na nagtamo ng minor injuries.
Base sa inisyal na imbestigasyon nagmula ang sunog sa short circuit sa isang spotlight.
Ito na ang pangalawang malaking sunog sa lugar ngayong taon, una ay noong new year kung saan umabot sa 20 oras bago napatay ang apoy sa 63-storey address hotel sa Central Dubai.
(UNTV NEWS)
