METRO MANILA – Duda ang Ibon foundation sa mga plano at daang tinatahak ng pamahalaan para sa inaasam na pag-unlad ng bansa at pagbuti ng buhay ng mamamayang Pilipino.
Ayon kay Ibon foundation Executive Director Sonny Africa, sa gitna ng bumabangong ekonomiya ng bansa ay mas kinakailangan ngayon ang agarang aksyon ng pamahalaan.
Pangunahin na dito ang pagbibigay ng ayuda lalo sa mga pinaka mahihirap na Pilipino na nagawa na rin naman ng pamahalaan noong kasagsagan ng pandemya.
Paliwanag pa ng Ibon foundation, dahil may mekanismo na ang pamahalaan sa pamamahagi ng ayuda, mayroon na itong paraan para matukoy ang nasa 20M pinaka mahihirap na pamilya sa bansa. Kabilang dito ang mga kumikita lang ng minimum wage.
Kumpyansa naman ang grupo na kayang maglaan ng pamahalaan ng pondo para rito.
Gaya na lang ng paglalaan ng ibang pondo sa imprastraktura at iba pang proyekto at ang pagpapataw ng billionnaire wealth tax.
Ngunit para sa ilang ordinaryong mamamayan, napapanahon itong gawin ng pamahalaan.
Una nang ipinanukala ni Sen. Alan Peter Cayetano ang pagbibigay ng P10,000 sa bawat pamilya. Una niya itong ifinile noong 18th Congress ngunit hindi naaprubahan .
(Asher Cadapan Jr. | UNTV News)
Tags: Ibon Foundation, P10K
METRO MANILA – Umaabot na sa mahigit 1,000 ang araw-araw na gastusin para sa disenteng pamumuhay ng isang pamilyang may 5 myembro batay sa kompyutasyon ng Ibon Foundation.
Ngunit ang minimum wage ng isang manggagawa sa National Capital Region (NCR), umaabot lang P570 o kalahati lang nito.
Ayon kay Ibon Foundation Executive Director Sonny Africa, kung susumahin ay halos sa pagkain na lang ng buong pamilya napupunta ang sweldo ng isang minimum wage earner. At wala nang natitira para iba pang mga gastusin gaya sa tubig, kuryente, upa sa bahay at pamasahe.
Panawagan naman ng Ibon Foundation sa pamahalaan, itaas ang minimum wage at suportahan ang mga maliliit na negosyo para makapagbigay ng sapat na sweldo at makapamuhay ng disente ang mga Pilipino.
Ngunit una nang sinabi ng Employers Confederation of the Philippines (ECOP) na mas makabubuti kung mas pagtutuunan ng pansin ang job creation kaysa sa pagtataas ng sweldo.
Maaari rin umano na magresulta sa pagsasara ng mga maliliit na negosyo ang pagbibigay ng dagdag sahod sa mga manggagawa.
Kung direkta namang tatanungin ang ilan nating mga kababayan, hindi na anila talaga sapat ang minimum wage sa laki ng gastusin sa kasalukuyan.
Ngunit para sa ilan ay dapat pa rin balansehin para sa kakayahan ng mga employer.
Nobyembre lang nang ipanawagan ng government workers sa pangunguna ng Confederation for Unity, Recognition and Advancement of Government Employees (COURAGE) na itaas sa P33,000 kada buwan ang kanilang minimum wage upang mailapit ito sa makatotohanang family living wage.
Sinabi naman ng Department of Budget and Management (DBM) na ang pagtataas ng sahod sa mga empleyado ng gobyerno ay mangangailangan pa ng batas.
Gayunpaman, sinabi ng DBM na ipatutupad sa 2023 ang huling tranche ng salary increase para sa mga civilian personnel alinsunod sa Republic Act 11466 o Salary Standardization Law 5.
(Asher Cadapan Jr. | UNTV News)
Tags: DBM, DOLE, Ibon Foundation, Salary Increace
Manila, Philippines – Tutol ang Ibon Foundation sa inilabas na ulat ng Philippine Statistics Authority o PSA na bumaba ang bilang ng mga mahihirap sa bansa.
“Maraming ano ng pagiging unrealistic nya una nalang itinatago niya yung totoong bilang ng mga mamayan na hindi sumasapat yunh kanilang kinikita sa pangaraw araw” pahayag ni Ibon Foundation Executive Director Rosario Bella Guzman
Batay sa pinakahuling pag-aaral na inilabas ng psa, bumaba sa 21 percent ang poverty incidence sa Pilipinas sa first quarter ng 2018.
Mababa ito kung ikukumpara sa 27.6 percent sa kaparehong panahon noong 2015.
Sa pag-aaral ng PSA sinasabing sapat na ang sweldong 10,480 pesos para sa isang pamilya na may 5 miyembro upang masabi na hindi sila mahirap.
Pero hindi sang-ayon ang ibon foundation, dahil kwestionable para sa kanila ang naging batayan ng pag-aaral ng PSA.
“Ang baba naman non para sabihin na sapat na yun para sabihing hindi tayo mahirap mababang antas ng kahirapan,mababang incidence ng kahirapan therefore mababang effort mula sa gobyerno para sa poverty kaya ang tingin namin parang wala na yatang plano yung ating pamahalaan na medyo taasan naman niya yung kanyang pagsusumikap para iangat ang karamihan sa atin mula sa kahirapan” ani Ibon Foundation Executive Director Rosario Bella GuzmanL.
Kung ang ibon foundation ang tatanungin, nasa twenty nine thousand four hundred seventy pesos o one hundred ninety five pesos kada indibidwal ang dapat na kinikita ng isang pamilya may limang miyembro upang masabi na hindi sila mahirap.
(Joan Nano | Untv News)
Base sa pag-aaral ng IBON Foundation sa Metro Manila, para makakain ng tatlong beses sa isang araw ang isang pamilyang may 6 na miyembro at makapasok sa paaralan ang kanilang mga anak ay nangangailanagn sila ng 1,160 piso kada-araw.
Malayo ito sa 512 piso na daily minimum wage sa National Capital Region.
Ang Trade Union Congress of the Philippines (TUCP), naghain na rin ng kanilang panukalang-batas sa Kamara para dagdagan ng 320 piso ang minimum wage ng mga manggagawa sa pribadong sektor sa buong bansa.
Kung maisasabatas ang panukala, magiging 832 piso na ang arawang sahod sa Metro Manila para sa non-agriculture workers.
Tataas na rin sa 610-720 piso ang mininum wage sa Luzon, 605-686 piso sa Visayas at 585-660 piso sa Mindanao.
Ipinaubaya naman ng Malakanyang sa Kongreso ang pagtalakay sa panukalang batas na ito.
Una nang naghain ng hiwalay na panukalang-batas ang Makabayan bloc sa Kongreso upang gawing 750 piso ang arawang sahod ng mga manggagawa sa buong bansa.
( Grace Casin / UNTV Correspondent )
Tags: Ibon Foundation, minimum wage, TUCP
