Dalawa ang sugatan matapos bumangga sa poste ng kuryente ang isang SUV sa Elliptical Road kaninang alas-3:00 ng madaling araw.

Ayon sa driver na si Karl Raymund Del Valle, pauwi na sana sila sa Visayas Avenue na may bigla na lang nag-cut sa kanilang sasakyan.

Dahil sa bilis ng kanilang takbo nawalan na ng kontrol sa manibela si Del Valle kaya’t nabangga nito ang poste.

Wasak ang harapan ng sasakyan at naipit ang paa ng kaibigan ng driver na si Lyndon Balmonte.

Umabot ng isang oras bago naialis ang biktima sa loob ng sasakyan na ginamitan ng extrication tool ng Department of Public Order and Safety (DPOS).

Habang maswerteng gasgas lang sa leeg ang tinamo ng driver.

Mabilis na isinugod sa ospital ang dalawa habang isinisagawa ng mga otoridad ang imbestigasyon.
(Reynante Ponte/ UNTV Radio)

Tags: Elliptical Road