Tinulungan ng UNTV News ang Rescue Team ang dalawang sakay ng motorsiklo matapos bumangga sa isang kotse sa Brgy. Triangulo, Naga City noong Sabado ng madaling araw.
Ayon sa mga biktima na kinilalang sina Genesis Clavezares, 19 anyos at Jeffrey Francia, 23 anyos na pawang taga-Pamplona Camarines Sur, papauwi na sila mula sa trabaho nang sumalpok sa kotse.
Hindi umano gumamit ng signal light ang driver ng kotse nang lumiko ito sa parking area ng isang department store dahilan upang mabangga ang motorsiklo na kasunod nito.
Tanging gasgas lamang sa tagiliran at galos sa kamay ang tinamo ni Francia habang nagtamo naman ng malamin na sugat sa kaliwang tuhod at mga gasgas sa paa at binti ang driver na si Clavezares.
Agad namang nilapatan ng UNTV News and Rescue Team ang pangunang lunas ang sugat ng dalawang biktima bago dinala ang mga ito sa Bicol Medical Center para sa karagdagang atensyong medikal.
(Allan Manansala / UNTV Correspondent)
