Isang pagsabog ang naganap, alas nuebe kwarenta y singko kagabi sa isang massage parlor sa San Jose Road, Zamboanga City na pag-aari ni Romeo Macalindong.
Isa ang nasawi sa insidente habang siyam naman ang sugatan.
Ilan sa mga biktima ay mga empleyado sa massage parlor at ang ilan ay customer
Dinala ang mga biktima sa Zamboanga City Medical Center upang mabigyan ng atensyong medikal.
Sa ngayon ay di pa masabi ng mga otoridad kung anong uri ng pampasabog ang ginamit
Patuloy naman na inaalam ng pnp kung sino ang may kagagawan ng pagsabog.
Ayon sa kanila, nahihirapan pa silang kumuha ng mga impormasyon dahil walang guwardiya sa establishyimento at wala ring cctv camera na magamit sana sa mas mabilis na pagtukoy sa mga susplek
Sa ngayon, nakaalerto na rin ang mga otoridad dahil sa insidente at nangako naman ang Zamboanga City Local Government na sasagutin ang lahat ng gastusin para sa pagapagaling ng mga sugatan.
Samantala, umapela ang mga otoridad sa publiko na agad ipagbigay alam sa kanila sa pamamagitan ng kanilang hotlines na 991-5656 at 062-117 kung sino man ang may impormasyon o posibleng nakakita sa mga suspek.(Dante Amento/ UNTV News)
