Dead on the spot ang dalawang holdaper matapos makipagpalitan ng putok sa mga pulis sa Canaynay Avenue, Las Pinas, pasado alas dos kaninang madaling araw.

Narecover sa dalawang napatay na suspek ang dalawang kalibre 38 na baril, ilang basyo ng bala at bag ng kanilang na-biktima.

Sa imbestigasyon ng Las Piñas Police, isang babae ang humingi ng tulong sa nagpapatrolyang pulis nang holdapin siya di kalayuan sa encounter site.

Agad namang inalarma ng mga ito ang kanilang kasamahan na nagbabantay sa checkpoint sa direksyong tinungo ng mga suspek.

Napilitang makipagbarilan ang mga pulis ng paputukan sila ng mga suspek

Nasawi sa engkwentro ang dalawa, habang wala namang nasugatan sa panig ng mga rumespondeng pulis.

Positibong kinilala ng bitkima ang dalawang nasawi na siyang nangholdap sa kanya.

Wala namang nakuhang pagkakakilanlan sa dalawang napatay na suspek.

Samantala aalamin din ng mga otoridad kung nakaw ang motorsiklo na ginamit ng dalawa.

Paalala ng mga otoridad sa publiko lalo na sa mga kababaihan na iwasan nang lumabas ng dis oras ng gabi upang makaiwas sa mga masasamang loob.

(Benedict Galazan / UNTV Correspondent)

Tags: 2 holdaper patay, Las Piñas City