Sinabi ni Presidential Aspirant Senator Grace Poe na kumpiyansa siya na pahihintulutan ng Korte Suprema ang taumbayan na makapili ng susunod na pangulo ng bansa.

Bukas magsasagawa ng En banc session ang korte suprema at inaasahan ngayong linggo na ilalabas din ng korte ang pinal na desisyon hinggil sa disqualification cases ni Poe dahil sa kaniyang residency at citizenship issue.

“Hinihiling ko sa Korte Suprema na sana pagbigyan ang taumbayan ang mamili kung sino ang karapat-dapat para sa kanila,” pahayag ni Poe

Samantala, muli namang iginiit ni Senate President Franklin Drilon ang kaniyang panawagan sa korte suprema na madaliin ang pagdidesisyon hinggil sa kaso ni Poe.

Aniya, ang ilalabas na desisyon ng korte ay makakapagpanatili ng integridad ng halalan at pagiging patas hindi lamang kay Senator Poe,kundi sa lahat ng Pilipino.

Tags: Korte Suprema, pangulo, Senator Grace Poe