Pinangunahan ni Pangulong Benigno Aquino the third ang switch on ceremony para sa electrification ng 1,199 sitios sa Central Luzon.
Ito ay sa ilalim ng SEP o Sitio Electrification Program.
Isinagawa ang switch on ceremony sa Nueva Ecija II Electric Cooperative Compound Area 1 Brgy. Calipahan bayan ng Talavera.
Ayon sa Philippine Information Agency, kabilang sa sakop ng SEP Program sa Region 3 ay ang Aurora, Tarlac, Nueva Ecija, Pampanga, Bataan at Zambales.
Aabot sa mahigit pitumput walong libong mamamayan ang makikinabang sa proyekto na nagkakahalaga ng 1.873 billion pesos.
Sa kasalukuyan, dalawang sitio na lamang ang hindi pa nalalagyan ng linya ng kuryente at inaasahang makakabitan ang mga ito bago matapos ang buwan ng Pebrero.
Ayon sa mga electric company malaki ang maitutulong ng Sitio Electrification Program upang mas mapaunlad ang kabuhayan ng mga mamamayan sa Central Luzon.
Makapagbibigay din ito ng mas maraming trabaho at mapalalawak ang impormasyon pagdating sa community sector.
(Grace Doctolero/UNTV NEWS)
