Pormal nang itinurn-over kahapon ng United States Government sa Philippine navy ang Tethered Aerostat Radar System o TARS na naka-install sa San Antonio, Zambales.
Nagkakahalaga ang TARS ng eighteen million (18) US dollars o nasa siyam na raan at dalawampu’t-limang (925) milyong piso.
Magagamit ito sa pagpapaigting sa pagbabantay sa mga karagatang sakop ng bansa laban sa mga terorista, kriminal at maging sa illegal fisher. Magagamit din ito para sa Humanitarian Assistance at Disaster Relief Operations.
Ang proyekto ay bahagi ng limang taong Maritime Security Initiative o MSI program na layong mapaunlad ang security capabilities ng mga bansa sa South East Asia.
Malakas na hangin, ulan at matataas na alon sa dagat ang naranasan sa Barangay Bangan, Botolan Zambales noong kasagsagan ng pananalasa Bagyong Ompong.
Agad na lumikas patungo sa mga evacuation center ang mga residente sa takot na mapahamak.
Ngunit sa pagbabalik ni Aling Ermina kahapon sa kanilang bahay, nanlumo siya sa kaniyang dinatnan. Halos puro kawayang nakatayo na lang ang natira sa kaniyang bahay matapos liparin ang bubong at iba pang mga kagamitan
Ganito rin ang sinapit ng bahay nina Jayson Bidiko dahil hindi kinaya ng mga tali at pabigat na kanyang inilagay ang malalakas na hangin na dala ng bagyo.
Kung ang iba ay winasak ng hangin ang mga bahay, ang sa pamilya naman ni Aling Arceli sa Barangay Marangla sa San Agustin, sa ibang bayan naman, bubong na lang kita matapos malubog sa tubig baha.
Kahit malungkot, idinaan na lang niya sa tawa ang kwento ng dinanas na hirap dahil sa Bagyong Ompong.
Sa kabila nito, wala pa ring balak na lisanin ng pamilya ni Aling Arceli ang lugar dahil tanging pagsasaka lang anila ang alam nilang gawin at nandito umano ang kanilang kabuhayan.
Tulad ng dati ay sisikapin na lamang nilang muling makabangon mula sa unos na dinanas. Hiling nito, sana ay matulungan silang muling mabuo ang mga winasak ng bagyo.
Si Mang Eugene naman, nadatnan pa ng news team na inaayos ang kanyang bangka para sana muling makapaglayag at makapaghanap buhay
Tinatayang halos isang linggo pa ang hihintayin para sa ligtas na pagpalaot dahil malalaki pa rin ang alon ng dagat.
Pero ayon kay Mang Eugene, marami pa rin ang nakikipagsapalaran kumita lamang para sa pamilya.
Ngunit sa kabila ng ilang mga palatandaang iniwan ng pananalasa ng Bagyong Ompong sa Zambales, walang naiulat na casualties maliban sa ilang bahay lang sa tabing-dagat na sinira nito.
Nangako naman ang lokal na pamahalaan na tutulungan ang kanilang mga kababayan na muling makabangon mula sa pinsalang idinulot ng Bagyong Ompong.
( JL Asayo / UNTV Correspondent )
Tags: Bagyong Ompong, evacuation center, Zambales
Nasa Philippine area of responsibility (PAR) pa rin ang dalawang low pressure area (LPA). Ang isa ay nasa 1,245km sa silangan ng Aparri, Cagayan.
Ayon sa PAGASA, posibleng maging bagyo ito subalit maliit ang posibilidad na tumama o maglandfall sa anomang bahagi ng bansa.
Ang isa pang LPA ay nasa 550km sa kanluran ng Subic, Zambales. Pinalalakas nito ang habagat na siyang nakakaapekto naman sa Southern Luzon, Visayas at Mindanao.
Base sa forecast ng PAGASA, may kalat-kalat na pag-ulan na mararanasan sa Zambales, Bataan, Cavite, Batangas, Palawan, Mindoro provinces at Western Visayas.
May mga pag-ulan ding mararanasan sa Metro Manila, Bicol Region, Mindanao at nalalabing bahagi ng Calabarzon , Mimaropa, Central Luzon at Visayas.
Oras na makumpleto ang mga kinakailangang impormasyon, magpapadala ang Philippine Navy ng Naval Task Force na aayuda sa Department of Foreign Affairs (DFA) para sagipin ang tatlong Pilipinong binihag sa Libya. Batay ito sa inilabas na pahayag ng hukbong dagat ng Pilipinas nitong weekend.
Kasunod ito ng naging pahayag ni Pangulong Rodrigo Duterte na plano niyang magpadala ng Philippine Navy frigates para sagipin ang mga Filipino kidnap victims.
Ginawa ng Pangulo ang pahayag noong Biyernes nang ilunsad ang Northern Mindanao Wellness and Reintegration Center sa Barangay Casisang, Malaybalay City, Bukidnon.
Tatlong Filipino engineers at isang South Korean ang binihag ng mga armadong lalaki sa Western Libya noong ika-6 ng Hulyo. Isang video ang lumabas sa social media na nagkukumpirma sa kanilang abduction.
Una nang nagpadala ng warship ang South Korea sa Libya para i-secure ang release ng kanilang kababayan.
Ayon naman kay Pangulong Duterte, ibibigay niya ang kaniyang pinal na desisyon matapos ang kaniyang cabinet meeting ngayong araw at ang nakatakda niyang command conference sa Armed Forces of the Philippines (AFP) at Philippine National Police (PNP) bukas.
( Rosalie Coz / UNTV Correspondent )
Tags: DFA, Naval Task Force, Philippine Navy
