Kinumprima ni Philippine National Police Chief Police Director General Ricardo Marquez ang napipintong balasahan ng mga opisyal nito sa iba’t ibang rehiyon.

Ayon sa heneral, magpapatupad sila ng re-shuffle dahil dalawang opisyal ng pnp ang magre-retiro ngayong taon.

Kabilang dito si Police Chief Superintendent Richard Albano, Director ng Police Regional Office 4-A na nakatakdang magretiro sa Abril at si Police Chief Superintendent Wendy Rosario na Director ng Region 11.

Sinabi ni Marquez na mas paaagahin nila ang retirement ng dalawa upang makapag adjust ang mga opisyal na ipapalit dito ngayong papalapit na ang panahon ng eleksyon.

Sa ngayon, wala pang ipinahahayag si Marquez kung sino ang ipapalit sa pwesto nina Albano at Rosario

(Lea Ylagan / UNTV Correspondent)

Tags: ilang regional directors, PNP