Hinihiling ng prosekusyon sa Sandiganbayan na huwag bigyan ng kopya si dating MRT General Manager Al Vitancol The Third ng counter affidavit ni DOTC Sec.Jun Abaya at iba pa na maaari sana niyang magamit sa kanyang kaso.

Nahaharap sa graft at paglabag sa government procurement law si Vitangcol sa Sandiganbayan dahil sa conflict of interest sa maintenance contract ng MRT noong 2012.

Nais na Vitangcol na gamitin bilang ebidensya ang mga counter affidavit nina Abaya ay labing dalawa pa upang patunayan na ang DOTC ang siyang nag-apruba ng maanomalyang maintenance contract at hindi na niya ito sakop.

Ngunit paliwanag ng prosekusyon, walang “good cause” o sapat na basehan ang hiling dahil “immaterial” na ito sa kanyang kaso.

Ang mga counter affidavit ay nasa prosekusyon at naisinumite noong iniimbestigahan pa lamang ng Office of the Ombudsman ang kaso ni Vitangcol.

(Joyce Balancio / UNTV Correspondent)

Tags: counter affidavit, dating MRT Gen. Manager Al Vitangcol, DOTC Sec. Jun Abaya, Prosekusyon