Humihiling muli sa Sandiganbayan 5th division si dating first Gentleman Jose Miguel Arroyo na makapagbiyahe sa Tokyo Japan at Hong Kong.
Sa kanyang mosyon, nais nitong makapunta sa Tokyo mula March 28 hanggang April 2 at sa Hongkong sa April 2 hanggang 4.
Hindi naman binanggit ni Arroyo ang dahilan sa kanyang pagpunta doon.
Sinabi nito na nakapagpiyansa na siya sa kaso at nagbayad na rin ng travel bond.
Giniit din nito na hindi siya flight risk at parati siyang sumusunod sa kondisyon ng korte sa tuwing pinapayagan siyang makalabas ng bansa.
May hold departure order si Arroyo sa Sandiganbayan dahil sa kasong graft na nag-ugat sa umano’y maanomalyang 34.6 million peso helicopter deal kasama ang Philippine National Police noong 2009.
