Labimpitong bangkay ang nakuha ng mga tauhan ng Armed Forces of the Philippines, Philippine National Police, Bureau of Fire Protection at ilang Civilian Volunteers mula sa Local Government Unit sa isinagawang retrieval operations sa Marawi City kahapon.

Ayon sa Joint Task Force Marawi, posibleng katawan ng mga sibilyang pinatay ng mga teroristang Maute at Abu Sayyaf ang narecover na mga labi sa barangay Gadungan.

Ayon sa mga otoridad isa ang barangay Gadungan sa mga lugar na dating pinagkutaan ng Maute terrorist group kung saan. Pinaniniwalaang pinatay din ang ilang sibilyan.
Sa ngayon pinoproseso na ng PNP SOCO ang narecover na mga katawan upang matukoy ang kanilang pagkakakilanlan at makuha na ito ng kanilang mga kaanak.

(Mirasol Abogadil/UNTV News Reporter)

Tags: bangkay, Marawi City, otoridad