10 patay, mahigit 100 sugatan sa banggaan ng dalawang tren sa Germany

by Radyo La Verdad | February 10, 2016 (Wednesday) | 1335

banggaan ng dalawang tren sa Germany(REUTERS)

Aabot sa sampu ang nasawi at mahigit 100 ang sugatan sa banggaan ng dalawang tren sa Germany.

Ayon sa mga pulis, 18 sa mga sugatan ay nasa malubhang kalagayan.

Naganap ang banggaan sa Bad Aibling, 60 kilometers South-East ng Munich.

Batay sa imbestigasyon, isa sa mga tren ang nadiskaril.

Agad na nagsagawa ng rescue operations ang mga otoridad at dinala na ang ibang mga pasahero sa mga pagamutan.

Sa ngayon ay patuloy na iniimbestigahan ng mga otoridad kung technical failure o human error ang nangyaring banggaan.