Isang tama bala ng kalibre 45 ang tumapos sa buhay ng 36 anyos na si Roldan Cabintoy matapos siyang barilin sa Tramo Street corner Gil Puyat Avenue Pasay City pasado alas dies kagabi.
Ayon sa mga kapatid ni Cabintoy, bandang alas otso kagabi galing sa barangay si Mang Roldan dahil sa pagkakahuli ng nagnakaw ng tablet ng kanyang asawa.
Inamin din ng kapatid ng biktima na palaging nag-aaway si Mang Roldan at kanyang asawa dahil may iba pang babaeng ka-relasyon si Cabintoy na pinuntahan rin nito bago ang pamamaril.
Madalas din umanong naghahabilin ang kanilang kuya sa kanila, na palatandaan na may banta sa kanyang buhay.
Sa ngayon ay wala pa silang alam sa motibo at kung sino ang may kagagawan sa pamamaril.
Samnatala, nakatakas ang suspek sa pamamaril na umanoy nakausuot ng itim na jacket at nakasakay sa motorsiklo.
Patuloy ang imbestigasyon ng Pasay Police sa krimen at inaalam pa sa ngayon kung nakuhanan ng Closed Circuit Television Camera o CCTV ang insidente na makatutulong sa paglutas ng kaso.
(Benedict Galazan / UNTV Correspondent)
Tags: barilin, gunman, Lalaki patay, Pasay city
