Isinara ang ilang eskwelahan at nagdulot ng pagkaantala sa daloy ng transportasyon ang nararanasang mabigat na pag-ulan ng snow sa Ankara Turkey.
Ayon sa Dogan News Agency,na-delay rin ang maraming flights at isinara ang mga kalsada dahil sa makapal na snow.
Aabot sa isang libong snow plows ang idineploy na sa siyudad na gagamitin sa pag-aalis ng snow sa mga daan.
Inabisuhan naman ng mga otoridad ang residente na manatili na lamang sa kanilang tahanan at iwasan na munang bumiyahe.
