Tumangging maghain ng plea si dating MRT General Manager Al Vitangcol The Third sa Sandiganbayan 3rd Division para sa kasong graft at paglabag sa Government Procurement Law.

Walang abogado si Vitangcol kanina at tumangging kilalanin ang itinalaga ng Sandiganbayan na abogado mula sa Public Attorney’s Office.

Ayon kay Vitangcol, hirap siyang makahanap ng abogado dahil walang nais humawak sa isang high profile case na katulad ng sa kanya.

Sinampahan ng kaso si Vitangcol sa Sandiganbayan dahil sa pagbibigay ng pabor sa kumpanyang Ph Trams para sa maintenance contract ng MRT 3 noong 2012.

Hindi umano sinabi ni Vitangcol ang posibleng conflict of interest dahil isa sa mga director ng.ph trams ay ang kanyang brother in law.

Itinakda ang pagsisimula ng preliminary conference sa kaso ni Vitangcol sa Feb. 5

Tags: dating MRT Gen. Manager Al Vitangcol, government procurement law, kasong graft