Sampung metro na lamang ang layo bago makarating sa kanilang bahay ang 21-anyos na si Charlie Odabar nang biglang sumadsad ang kaniyang sinasakyang motorsiklo sa kalsada sa Barangay Salugan, Camalig, Albay noong biernes ng umaga.
Kwento ni Charlie, hindi nya napansin ang kasalubong na motorsiklo dahil sa sobrang kalasingan kaya’t, bigla nyang kinabig ang manibela upang maiwasan ang kasalubong na motorsiklo
Nagtamo ng gasgas sa kamay at malaking hiwa sa paa si Charlie Odabar na binigyan ng first aid ng UNTV News and Rescue Team na napadaan lamang sa pinangyarihan ng aksidente.
Matapos bigyan ng pang unang lunas ay tumanggi na si Charlie na magpahatid pa sa ospital.
(Allan Manansala/UNTV News)
