Bababa ng P0.21 centavos kada kilowatt hour ang singil sa kuryente ng Meralco ngayong buwan ng Enero.

Ayon sa Meralco bagamat tumaas ang bentahan ng kuryente sa Wholesale Electricity Spot Market o WESM at sa mga independent power producers o ipp nabawi naman ito sa pagbaba ng taxes at transmission charge

Bumaba ng dalawang sentimo kada kilowatt hour ang tax at maging ang transmission charge

Hindi naman gumalaw ang distribution charge at metering charges ng Meralco matapos itong bumaba noong nakaraang taon

Nakatulong rin ang ibinalik na outage allowance ng mga power plant

Kapag hindi nauubos ng mga planta ang kanilang allowance para sa isang taon ay ibinabalik nila ito dahilan upang magkaroon ng maraming supply pagpasok ng Enero.

Sa mga komokonsumo ng 200 kilowatt kada buwan magkakaroon ng P41 na bawas sa singil sa kuryente, 61 pesos sa 300 kilowatt, 82 pesos sa 400 kilowatt at 103 pesos sa 500 kilowatt na konsumo kada buwan

Subalit pinangangambahan na simula sa susunod na buwan ay mag-nonormalize na ang outage allowance kasabay ng maintenance shutdown ng nga planta na magdudulot ng pagtaas sa singil sa kuryente

Simula rin sa Pebrero, tatlong planta ang may schedule outage at dalawa naman sa Marso.

Sakaling magkaroon ng schedule outage apektado nito ang presyo ng kuryente.

Inilipat ng mga planta ang kanilang scheduled maintenance ng Pebrero at Marso upang hindi matapat sa eleksyon sa Mayo

Tiniyak naman ng Meralco na magkakaroon ng sapat na supply ng kuryente sa darating na eleksyon sa Mayo

Dagdag ng Meralco, ayon sa kanilang datos, buwan rin ng mayo nagsisimula ang pinakamataas na konsumo ng kuryente dahil sa panahon ng taginit kasabay ng el ñino

Makikipagugnayan na rin ang meralco sa mga participant ng Interruptible Load Program o ILP upang makapaghanda sa summer season.

Ang payo ng Meralco sa mga customer, ugaliin ang pagtitipid sa kuryente upang makatulong na mapanatili ang sapat na supply nito.

(Mon Jocson/UNTV News)

Tags: Meralco