Nasa isangdaan at apatnapu’t isang pulis na ang nagpositibo sa paggamit ng shabu base sa isinagawang confirmatory test ng PNP crime laboratory simula January hanggang August 31.
Ayon kay Internal Affairs Service Deputy Inspector General Angelo Leuterio, pinakamarami pa rin ang may ranggong Police Officer 1 o PO1 na nasa 57 habang ang pinakamataas namang ranggo ay Police Chief Inspector.
Bunsod nito, pormal na silang sasampahan ng kaso at isasailalim sa dismissal proceedings.
Magsasagawa rin ng lifestyle check ang PNP sa kanila dahil maaaring sangkot rin ang mga ito sa pagbebenta ng ipinagbabawal na gamot.
Kaya naman payo nito sa mga ninja cop na umanoy nagrerecycle ng ilegal na droga, magbago na dahil lumiliit na ang mundo nila matapos na nagbigay nang dalawangmilyong pabuya si Pang. Rodrigo Duterte laban sa kanila.
(Lea Ylagan / UNTV Correspondent)
Tags: 141 pulis, kumpirmadong gumagamit nang shabu, sinampahan na ng kaso
