Tinulungan ng UNTV News and Rescue Team ang lalakeng pinagtataga sa Barangay San Vicente Apalit Pampanga pasado alas otso kagabi.
Kinilala ang biktima na si Eduardo Atchico, 49 years old at nakatira sa naturang barangay.
Nilapatan ng paunang lunas ng UNTV News and Rescue Team ang tinamong hiwa sa likod at sugat sa kaliwang kamay ng biktima, matapos ay inihatid sa Jose B. Lingad Hospital.
Ayon sa mga nakakita sa pangyayari, nagkaroon ng gulo ng magkasagutan si Eduardo at isa sa kaniyang mga kainuman.
Maya- maya pa ay umalis ito at pagbalik ay pinagtataga na si Eduardo.
Sa ngayon ay nakabalik na sa bahay si Eduardo at nagpapagaling.
Inihahanda na ng kaniyang abogado ang isasampang kaso laban sa kaniyang kainuman.
(Joshua Antonio/UNTV News)
